Redmi Note 13 smartfon seriyasının təqdimatına sayılı günlər qalıb. Dünən məlum oldu ki, bu seriyaya daxil olacaq Redmi Note 13 Pro+ modeli Geekbench testlərindən keçib. İndi isə məlum olub ki, Geekbench testlərindən həmçinin Redmi Note 13 Pro modeli də keçib. Qeyd etmək lazımdır ki, keçən həftə Qualcomm şirkəti Snapdragon 7s Gen 1 adlı yeni prosessorunu təqdim etmişdi. Redmi Note 13 Pro isə sözügedən prosessoru əldə edəcək ilk smartfon olacaq.
Geekbench testlərindən Redmi Note 13 Pro-nun 16 GB RAM-a sahib versiyası keçib. Smartfon bençmarkın bir nüvəli testi çərçivəsində 1012 xal, çox nüvəli testi çərçivəsində isə 2943 xal toplayıb. Maraqlısı ondadır ki, Redmi Note 13 Pro-dan fərqli olaraq Redmi Note 13 Pro+ modeli Geekbench-in bir nüvəli testində 10% daha aşağı, çox nüvəli testi çərçivəsində isə 10% daha çox xal toplayır. Redmi Note 13 smartfon seriyasının təqdimatı 21 sentyabr tarixində baş tutacaq.
