Motorola şirkəti bir neçə müddət bundan öncə Moto G84 smartfonunu təqdim etmişdi. İndi isə ortaya çıxmış məlumata əsasən şirkət Moto Tab G84 adlı planşet üzərində çalışır. Hazırlanan bu yeni planşet şirkətin Moto Tab G70 planşetinin davamçısı olacaq. İnternetdə yeni planşetin render fotoları da ortaya çıxıb. Məlumata əsasən Moto Tab G84 planşeti 10 düym ekranla təchiz olunacaq və ekran stilus dəstəyini əldə edəcək. Bununla yanaşı planşet 8 MP-lik arxa kamera və JBL şirkətinin Dolby Audio dəstəkli stereo səsgücləndiriciləri ilə təchiz olunacaq. Moto Tab G84-ün nə zaman təqdim ediləcəyi bilinmir. Lakin bunun yaxın zamanda baş verəcəyi güman edilir.
