Samsung gələn ilin əvvəlində Galaxy S24 smartfon seriyasını təqdim edəcək. Bu seriyaya daxil olacaq modellərdən biri də Galaxy S24 Ultra olacaq. İndi isə Ice Universe ləqəbli məşhur insayder Galaxy S24 Ultra-nın kameraları barəsində yeni məlumatları təqdim edib. Onun sözlərinə əsasən smartfon dördlü arxa kamera ilə təchiz olunacaq. 1 ədəd əsas, 1 ədəd genişbucaqlı və 2 ədəd teleobyektiv.
İnsayder bildirib ki, Galaxy S24 Ultra-nın kameralarında əsas yenilik əsas və ya genişbucaqlı kameranı əhatə etməyəcək. Əsas yenilik teleobyektivləri əhatə edəcək. Məlumatda qeyd edilib ki, daha öncəki məlumat sızıntılarına baxmayaraq teleobyektivlərdən biri 5 qat ptik zoom əvəzinə 3 qat optik zoom-a sahib olacaq. Lakin Samsung 3 qat optik zoom ilə 10 qat optik zoom arasındakı diapazonda çəkiliş imkanlarının yaxşılaşdırılması üzərində çalışır.
