Bloomberg saytının məşhur insayderi Mark Gurman keçən ay məlumat vermişdi ki, Apple şirkəti generativ süni zəka əsaslı çat-bot hazırlayıb və artıq onu şirkət daxilində test edir. Bununla yanaşı insayder bildirmişdi ki, Apple artıq gələn il süni zəka ilə bağlı vacib anonsunu edə bilər. Məşhur analitik Ming-Chi Kuo isə bildirib ki, bunun baş verəcəyinə dair heç bir işarə yoxdur.
Analitikin fikrincə Apple şirkəti generativ süni zəka mövzusunda öz rəqiblərindən geridə qalır və şirkət çətin ki, 2024-cü ildə süni zəka sisteminə sahib hansısa məhsulunu təqdim etsin. “Apple şirkətinin 2024-cü ildə süni zəka əsaslı hansısa hardware məhsulunu təqdim edəcəyinə dair heç bir işarə yoxdur” – deyə analitik qeyd edib. Analitikin bu cür bəyanatı Mark Gurman-ın öz proqnozunda yanıldığı demək deyil. Sadəcə olaraq analitikin fikrincə növbəti nəsil süni zəka sisteminin Apple məhsullarında məhz 2024-cü ildə istifadəsi ehtimalını nəzərdən keçirtmir.
