Son zamanlarda ortaya çıxmış müxtəlif render fotolardan belə qənaətə gəlmək olar ki, iPhone 15 Pro modelləri daha nazik ekran ətrafı çərçivələri əldə edəcəklər. Lakin verilmiş yeni məlumata əsasən bu yeni özəllik növbəti iPad modellərində də reallaşdırıla bilər. Bloomberg saytının məşhur insayderi Mark Gurman bildirib ki, növbəti iPad modellərində nazik ekran ətrafı çərçivələrin əldə edilməsi üçün Apple aşağı təzyiqli yeni texnologiyadan istifadə edəcək. Məlumata əsasən şirkət daxilində bu texnologiya LIPO adını əldə edib.
“Bu yeni texnologiya ekran ətrafındakı çərçivələri 1.5 mm-ə qədər kiçiltmək imkanını verəcək. LIPO texnologiyası ilk dəfə Apple Watch Series 7-də istifadə edilmişdi. Nəticədə smart saatın ekran ətrafı çərçivələrini kiçiltmək və ekranın ölçüsünü böyütmək mümkün oldu. Aldığım məlumata əsasən şirkət bu texnologiyanı həmçinin növbəti iPad modellərində də istifadə etməyi planlaşdırır” – deyə Gurman qeyd edib. Hansı iPad modelinin ilk olaraq ekran ətrafı nazik çərçivələri əldə edəcəyi bilinmir.
