Artıq rəsmi olaraq məlumdur ki, Xiaomi şirkəti gələn ay yeni qatlana bilən smartfonunu təqdim edəcək. Söhbət, Xiaomi Mix Fold 3-dən gedir. Bu smartfon barəsində məlumatlar internetdə ortaya çıxmağa davam edirlər. Hələ bir neçə müddət bundan öncə məlumat ortaya çıxmışdı ki, Xiaomi Mix Fold 3 eksklüziv olaraq yalnız Çin bazarında satıla bilər. İndi isə insayderlər bu məlumatı təsdiqləyiblər. Onların sözlərinə əsasən Xiaomi yeni qatlana bilən smartfonunu qlobal bazarda satmağı planlaşdırmır.
Yəni hal hazırda aktual olan Mix Fold 2 kimi Mix Fold 3 də yalnız Çin bazarı üçün nəzərdə tutulacaq. Xiaomi Mix Fold 3 Snapdragon 8 Gen 2 prosessorunun sürətləndirilmiş versiyası vasitəsilə çalışmalı və özündə 16 GB RAM-ı, 1 TB-a kimi daxili yaddaş həcmini və 67 vatt gücündə sürətli şarj texnologiyalı 4800 mAh enerji tutumlu batareyanı birləşdirməlidir. Onun dəqiq təqdimat tarixi barəsində məlumat yaxın zamanda elan edilməlidir.
