BMT-nin elm, təhsil və mədəniyyət məsələləri ilə məşğul olan UNESCO adlı qurumunun təqdim etmiş olduğu yeni hesabatda o, bütün dünyadakı məktəblərdə smartfonlardan istifadənin qadağan edilməsinə çağırışlar edib. Qurumun fikrincə bu cür qərar təhsil keyfiyyətini yaxşılaşdıracaq və uşaqların internet məkanında təqib edilmələrinin və qorxudulma hallarının aradan qaldırılmasına imkan verəcək. Artıq sübut edilib ki, mobil cihazlardan həddən artıq istifadə öz növbəsində insanın təhsil sahəsindəki performansını aşağı salır. UNESCO-nun təqdim edilmiş yeni hesabatında üstəlik qeyd edilib ki, mobil cihazlardan həddən çox istifadə uşaqlardakı emosional stabilliyə təsir göstərir.

    Buna görə də qurum məktəblərdə smartfonlardan istifadənin qadağan olunmasının tərəfdarıdır. UNESCO tərəfindən bu il üzrə təhsil sahəsində aparılmış analizin nəticələrinə əsasən rəqəmsal texnologiyaların təhsilə real faydalarını əks etdirən etibarlı tədqiqatların sayı çox azdır. Bir çox halda bu cür tədqiqatlar rəqəmsal təhsil məhsullarının satışlarını reallaşdırmağa çalışan özəl təhsil şirkətləri tərəfindən maliyyələşdirilib. UNESCO-nun hesabatında qeyd edilib ki, təhsil alanların sinifdə və ya evdə müasir texnologiyalardan (smartfonlar, planşetlər, noutbuklar və s.) həddən çox istifadə etmələri onların fikirlərinin yayılmasına səbəb ola və təhsilin effektivliyinə təsir göstərə bilər.

    Qurum bildirib ki, texnologiyaların istifadəsi təhsil prosesinin yaxşılaşdırılmasına istiqamətləndirilməlidir. İlk növbədə təhsil alanların tələbatları və müəllimlərin dəstəklənmələri barəsində düşünmək lazımdır. Online təhsil real insan ünsiyyətinin yerini doldura bilməz. UNESCO bu mövzuda Çini misal gətirib. Çində məktəblilər arasında dərs vaxtlarında smartfonlardan istifadəyə sərt məhdudiyyət tətbiq edilib. Hökumətlər rəqəmsal texnologiyaların təhsil sahəsində faydalar gətirəcəkləri və potensial ola biləcək zərərlərdən yan keçməyə yardım ola biləcəkləri ilə bağlı prinsiplərə və məqsədlərə sahib olmalıdırlar. “Heç də hər bir dəyişiklik inkişafa səbəb olmur. Əgər nəyisə etmək mümkündürsə, bu o demək deyil ki, onu mütləq şəkildə etmək lazımdır” – deyə UNESCO-nun hesabatında qeyd edilib.

source

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Digər Xəbərlər

Termonüvə sintezi mövzusunda növbəti uğurlu təcrübə keçirilib

    Livermor Milli Laboratoriyasının alimləri dünya tarixində ikinci dəfə termonüvə sintezi reaksiyası çərçivəsində…

MIUI 15 gözlənildiyindən daha tez istifadəyə verilə bilər

    Heç sirr deyil ki, Xiaomi hal hazırda MIUI 15 istifadəçi interfeysi üzərində…

Honor 50X smartfonunun təqdimatı anons edilib

    Honor şirkətinin hal hazırda hazırladığı yeni smartfonlar arasında Honor 50X modeli də…

Lenovo IdeaPad Gaming Chromebook Plus noutbuku təqdim olunub – QİYMƏTİ

    Lenovo şirkəti özünün IdeaPad Chromebook Plus seriyasını IdeaPad Gaming Chromebook Plus adlı…

Məşhur insayder qatlana bilən OPPO Find N3 smartfonunun render fotolarını təqdim edib

    Digital Chat Station ləqəbli məşhur insayder OPPO şirkətinin növbəti qatlana bilən smartfonunun…