İnternetdə artıq dəfələrlə məlumat ortaya çıxıb ki, Samsung bu il ərzində Galaxy S23 FE smartfonunu təqdim etməyə hazırlaşır. İndi isə bu məlumat rəsmi şəkildə təsdiq edilib. Məlumatı Android Authority saytı Samsung-un Cənubi Afrikadakı mobil cihazlar şöbəsinin vitse-prezidenti Justin Hume-yə istinadən təqdim edib. Bəzi məlumatlara əsasən Galaxy S23 FE smartfonunun təqdimatı bu ilin sonunda baş tutacaq. Onun 120 Hz-lik təsvir yenilənməsinə sahib AMOLED ekran, Exynos 2200 və ya Snapdragon 8 Gen 1 prosessoru və 4500 mAh enerji tutumlu batareya ilə təchiz olunacağı gözlənilir. Smartfon 25 vatt və ya 45 vatt gücündə sürətli şarj texnologiyasının dəstəyinə sahib olmalıdır.
