Apple çox güman ki, bu ilin sentyabr ayında iPhone 15 smartfonları ilə birlikdə həmçinin Apple Watch Ultra 2 smart saatını da təqdim edəcək. İndi isə insayderlər sözügedən yeni smart saat barəsində məlumatlar veriblər. Onların sözlərinə əsasən Apple Watch Ultra 2 xarici görünüşcə birinci Watch Ultra-dan fərqlənməyəcək. Bununla belə yeni smart saatın gövdəsi daha yüngül olacaq. Məsələn orijinal Apple Watch Ultra 49 mm-lik gövdə ölçüsünə sahibdir və onun çəkisi 61.3 qramm təşkil edir.
Apple yeni smart saatın gövdəsini yüngülləşdirmək üçün onun bəzi detallarını 3D çap vasitəsilə hazırlayacaq. Bu barədə məlumat hələ bir neçə müddət bundan öncə ortaya çıxmışdı. İnsayderlər qeyd etmişdilər ki, şirkət sözügedən yeni smart saatın bəzi detallarını 3D çap vasitəsilə hazırlayacaq. Bu həmçinin smart saatın istehsalat xərcini də aşağı salmalıdır. Apple Watch Ultra 2 böyük ehtimal ilə orijinal Watch Ultra-nın ekranını, daha böyük həcmli batareyanı və yeni prosessoru əldə edəcək.
