Google şirkəti bildirib ki, Youtube Shorts videolarını ay ərzində 2 milyard istifadəçi izləyir. Keçən il bu göstərici 1.5 milyard istifadəçi təşkil etmişdi. Google şirkətinin bu ilin ikinci rübü üzrə olan hesabatında qeyd edilib ki, Youtube-dakı reklam dövriyyəsi 7.67 milyard dollar təşkil edib. Bu, videolara buraxılması mümkün olmayan 30 saniyəlik reklam elanlarının inteqrasiyası sayəsində mümkün olub. Şirkət həmçinin Youtube daxilində istifadəçilərə təqdim edilən kontentlərin müxtəlifliyi mövzusunda da yeniliklər reallaşdırır. Məsələn bu istiqamətdə şirkət NFL Sunday Ticket idman abunəliyini təqdim edir. Bu abunəlikdən istifadə edərək istifadəçilər Youtube daxilində ABŞ Milli Futbol Liqasının oyunlarını izləyə bilirlər. Şirkət keçən il qeyd etmişdi ki, Youtube Premium ilə Youtube Music-in ümumi istifadəçi kütləsi 80 milyona çatıb. Lakin bu il üçün şirkət bu mövzuda statistik göstəriciləri təqdim etməyib.
