Çinin sosial şəbəkələrində Huawei Mate 60 Pro flaqman smartfonu barəsində ilkin məlumatlar ortaya çıxmağa başlayıb. İnsayderlərin verdikləri məlumata əsasən Huawei Mate 60 Pro smartfonu iPhone 14 Pro modellərinin fərqləndirici özəlliklərindən birini əldə edəcək. Belə ki, insayderlər bildiriblər ki, Huawei şirkətinin bu yeni flaqman smartfonunun ekranı üzərində ön kameranın yerləşdirilməsi üçün nəzərdə tutulacaq oval formalı çıxıntı yerləşdiriləcək və xarici görünüşcə o, iPhone 14 Pro modellərinin ekranlarındakı Dynamic Island çıxıntısını xatırladacaq. Bununla belə şirkət onu yalnız dizayn özəlliyi kimi reallaşdırmayacaq. Məlumata əsasən Huawei oval formalı çıxıntı hissə üçün bir sıra sistem funksiyasının istifadəsini reallaşdıracaq. Huawei Mate 60 seriyasının sentyabr ayında təqdim ediləcəyi gözlənilir.
