Telegram-da Stories paylaşımları funksiyası istifadəyə verilib. Digər sosial şəbəkə və messencerlərdən götürülmüş bu funksiya Telegram-ın həm Android həm də iOS versiyasında aktivdir. Bununla belə Telegram-dakı Stories funksiyasının öz bəzi özəllikləri var. Verilmiş məlumata əsasən hal hazırda Telegram-da Stories paylaşımlarını yalnız Telegram Premium istifadəçiləri edə bilərlər. Adi istifadəçilər isə Stories paylaşımlarına yalnız baxa bilərlər. Bununla belə sözügedən funksiya kanallar üçün reallaşdırılmayıb. İstifadəçi öz istəyinə uyğun olaraq kontaktındakı 5 nəfərdən olacaq Stories paylaşımları barəsində bildirişlərin əldə edilməsini reallaşdıra bilər.
Stories paylaşımını yaratmaq üçün istifadəçi ümumi çatlar siyahısında olan zaman ekranın yuxarı sağ hissəsindəki dairə daxilində olan üstəgəl düyməsinə klikləməlidir. Daha sonra o, Stories-də paylaşılacaq fotonu yükləyə və onun üzərində müəyyən redaktə proseslərini reallaşdıra bilər. Bununla yanaşı istifadəçi öz Stories paylaşımında digər kontaktlarını işarələyə bilər. İstifadəçi eyni anda maksimum 100 ədəd Stories paylaşa bilər. Bundan əlavə olaraq istifadəçi Stories paylaşımlarını kimlər tərəfindən görə biləcəklərini də ayarlaya bilər. Bu məsələdə istifadəçi üçün bir neçə variant aktivdir. Hamı, yalnız kontaktlarkı şəxslər, yaxın dostlar və ayrıca seçilmiş şəxslər.
İstifadəçi Stories paylaşımlarını görə biləcək şəxslərin siyahısını hətta paylaşımı edəndən sonra da ayarlaya biləcək. Əlavə olaraq Stories paylaşımlarını yükləyə və screenshot fotolarını çəkə biləcək şəxsləri də təyin etmək mümkündür. Digər messencerlərdə Stories paylaşımları adətən 24 saatdan sonra avtomatik olaraq silinirlər. Telegram-da isə istifadəçi Stories paylaşımının hansı müddətdən sonra silinəcəyini özü təyin edəcək. Bu məsələdə istifadəçiyə dörd variant təklif edilir. 6, 12, 24 və 48 saat. Digər istifadəçilər isə Stories paylaşımlarına baxdıqları zaman onlara müxtəlif reaksiyalar bildirə bilərlər.
