Huawei şirkəti qlobal bazarda Watch Fit Special Edition adlı smart qolbağını təqdim edib. Smart qolbağın əsas üstünlükləri arasında böyük ölçülü ekran, uzun müddət ərzində çalışma imkanı və istifadəçi səhhətinin müxtəlif göstəricilərinin monitorinqi özəlliyi var. Beləliklə Huawei Watch Fit Special Edition smart qolbağı 456×280 piksel keyfiyyətli 1.64 düym AMOLED ekran ilə təchiz olunub. Smart qolbağın ekranı 10 000-dən çox virtual siferblatı və Always-on-Display funksiyasını dəstəkləyir.
Smart qolbaqda TrueSleep 3.0 və TruSeen 5.0 adlı texnologiyaların dəstəkləri reallaşdırılıb. Birinci texnologiya yuxu zamanı smart qolbağın istifadəçi səhhətini monitorinq etməsinə, ikinci texnologiya isə ürək döyüntülərinin monitorinq etməsinə imkan verir. Bununla yanaşı smart qolbaq qandakı oksigen miqdarını ölçə bilir və 100-dən çox idman rejimini dəstəkləyir. İstifadə intensivliyindən asılı olaraq Huawei Watch Fit Special Edition 9 gün ərzində çalışa bilir. Şirkət bildirib ki, smart qolbağın 5 dəqiqlə ərzində şarj olunması onun 24 saat ərzində intensiv çalışmasını təmin edir. Smart qolbaq artıq 99 avro qiymətində satışa çıxıb.
