Motorola brendi bu ilin əvvəlində Moto G13 adlı büdcəli smartfonunu təqdim etmişdi. Görünür, şirkət onun davamçısını təqdim etməyə hazırlaşır. Moto G13-ün davamçısı Moto G14 adını əldə edəcək. Sızdırılmış məlumatlara əsasən Moto G14 smartfonu 90 Hz-lik təsvir yenilənməsinə sahib HD+ keyfiyyətli 6.5 düym ekran ilə təchiz olunacaq və 8 nüvəli prosessor vasitəsilə çalışacaq. Bununla yanaşı smartfon özündə 128 GB daxili yaddaş həcmini, 20 vatt gücündə sürətli şarj texnologiyalı 5000 mAh enerji tutumlu batareyanı və naqilli qulaqlıqlar üçün nəzərdə tutulmuş 3.5 mm-lik audiogirişi birləşdirəcək. Moto G14-ün gələn ayın əvvəlində təqdim olunacağı gözlənilir.
