Counterpoint analitik şirkəti bu ilin ikinci rübü üzrə bütün dünyadakı smartfon satışlarının statistikasını təqdim edib. Təqdim edilmiş statistik göstəricilər bütün smartfon brendləri üçün heç də ürəkaçan deyillər. Beləliklə təqdim edilmiş statistikaya əsasən keçən ilin ikinci rübü ilə müqayisədə geridə qalmış 3 ay ərzində 8% daha az smartfon satılıb. Bu ilin birinci rübü ilə müqayisədə isə satışlar 5% aşağı düşüblər. Bu ayın əvvəlinə olan statistikaya əsasən smartfon bazarının lideri Samsung-dur. O, bazarın 22%-nə sahibdir.
Analitiklərin fikirlərinə əsasən Samsung bu nailiyyəti özünün Galaxy A seriyasına daxil olan smartfonları hesabına əldə edib. Statistikanın ikinci yerində 17%-lik bazar payı göstəricisi ilə Apple şirkəti, üçüncü yerində isə 12%-lik göstərici ilə Xiaomi qərarlaşıb. İlk beşliyin son iki yerini vivo (10%) və OPPO (8%) şirkətləri tutublar. Analitiklər bildiriblər ki, qlobal smartfon satışlarının aşağı düşməsi premium cihazlar bazarına təsir göstərməyib. Qeyd edilmiş müddət üzrə ümumi smartfon satışlarının 20%-i məhz premium cihazların payına düşüb.
