Bir neçə gün bundan öncə məlum oldu ki, Tesla şirkəti 2019-cu ildə təqdim edilmiş Cybertruck adlı elektrikli pikapın kütləvi istehsalına sonunda start verib. Verilmiş yeni məlumata əsasən ilk Cybertruck modelləri qətt edilən yol üzrə gözlənildiyindən daha aşağı göstəricilərə sahib ola bilərlər. 2019-cu ildə baş tutmuş təqdimat zamanı qeyd edilmişdi ki, Cybertruck-ın ən bahalı versiyası bir dəfə şarj olunandan sonra demək olar 1000 km yol qətt edə biləcək. Lakin yeni məlumatlara əsasən ilk Cybertruck modelləri bir dəfə şarj olunandan sonra maksimum 565 km yol qətt edə biləcəklər.
Gələcəkdə isə elektrikli pikapın 800 və 1000 km yol qətt etməyi bacaran versiyaları satışa çıxacaq. Qeyd etmək lazımdır ki, Tesla daha öncə Cybertruck-ın 400 km yol qətt etmə imkanına sahib versiyasını da planlaşdırırdı. Lakin nəticədə şirkət ondan imtina etdi. Beləliklə bir dəfə şarj olunandan sonra qətt edilən yol göstəricisi üzrə Tesla Cybertruck-ın 3 versiyası satılacaq. Şirkət bu ilin sonuna kimi 2000 ədəd Cybertruck istehsal etməyi planlaşdırır. Elektrikli pikapın hansı qiymətə satılacağı hələ tam dəqiq bilinmir. Lakin satış qiymətinin 40 000$-dan yüksək olacağı gözlənilir.
