Elon Musk-ın verdiyi məlumata əsasən reklam gəlirlərinin 50% aşağı düşməsi və böyük maliyyə borcu səbəbilə Twitter-in gəlir axını mənfi olaraq qalır. Daha öncə Musk ümid edirdi ki, Twitter bu ilin iyun ayına kimi müsbət göstəricili gəlir axını nəticəsinə çata biləcək. Bu cür bəyanat onu göstərir ki, Musk-ın keçən ilin oktyabr ayında Twitter-i əldə etməsindən sonra şirkətin xərclərini azaltmaq istiqamətində reallaşdırılmış sərt tədbirlər sosial şəbəkənin müsbət göstəricili gəlir axını nəticəsinə çatmaq üçün yetəri olmayıblar. Bununla yanaşı bu, Twitter-in reklam gəlirlərinin ləng şəkildə bərpa olmasına işarə edir
Bu isə Musk-ın gözləntilərinin tam əksidir. Hələ bir neçə ay bundan öncə Musk bildirmişdi ki, reklamçıların demək olar hamısı Twitter-ə geri qayıdıblar. Çoxlu sayda işçinin və bulud servisləri xərclərinin ixtisar edilməsindən sonra Musk bildirmişdi ki, sosial şəbəkə öz xərclərini ümumilikdə 1.5 milyard dollar azalda bilib. Daha öncə isə şirkətin bu ilə olan xərclərinin proqnozu 4.5 milyard dollar təşkil etmişdi. Bir neçə müüdət bundan öncə Twitter-in yeni CEO-su qismində Linda Yaccarino-nun təyin edilməsi şirkətlərə reklam satışlarının prioritetli olduğunu sərgilədi. Yaccarino öz yeni vəzifəsində keçən ayın əvvəlində çalışmağa başladı. O, investorlara bildirmişdi ki, sosial şəbəkə öz əsas diqqətini video formatlı kontentlərə, kontent yaradıcıları ilə əməkdaşlığa və ticarətə yönəldəcək.
