Xiaomi şirkəti aprel ayında Xiaomi Pad 6 və Pad 6 Pro planşetlərini təqdim etmişdi. İndi isə şirkət Pad 6 Max adlı yeni planşetinin təqdimatına hazırlaşır. Sözügedən yeni planşet artıq Çinin 3C adlı sertifikatlaşdırma mərkəzində sertifikatlaşdırmadan keçib. Bunun sayəsində yeni planşetin hansı gücdə sürətli şarj texnologiyasının dəstəyini əldə edəcəyi məlum olub. Beləliklə sertifikatlaşdırma agentliyinin məlumatlar bazasına əsasən Xiaomi Pad 6 Max planşeti 67 vatt gücündə sürətli şarj texnologiyasının dəstəyini əldə edəcək. Təəssüflər olsun ki, sertifikatlaşdırma agentliyinin məlumatlar bazasında planşet barəsində digər bir məlumat əks olunmayıb. Lakin onun artıq sertifikatlaşdırmadan keçməsi planşetin yaxın zamanda təqdim olunacağına işarə edir.
