Bir neçə ay bundan öncə məlumat ortaya çıxmışdı ki, Samsung Galaxy S24 Ultra smartfonu yeni texnologiya əsasında hazırlanacaq batareya ilə təchiz olunacaq. İndi isə insayderlər yenilənmiş batareyanın prototipi barəsində məlumatları təqdim ediblər. Məlumatda qeyd edilib ki, yeni texnologiya batareyanın sürətli şarj özəlliyini daha da sürətləndirəcək və batareyanın öz həcmini böyüdəcək. Lakin yeni batareyanın əsas mənfi cəhəti yüksək temperatur göstəricisi olacaq. İnsayderlər bildiriblər ki, Samsung yeni növ batareyanın istehsal prosesini artıq yoluna qoyub.
Məlumata əsasən yeni növ batareyanın əsas üstünlüklərindən biri onun daxili elementlərinin yüksək sıxlıqlarıdır. Bunun sayəsində batareyanın ölçülərini dəyişmədən onun həcmini 10% yüksəltmək mümkün olub. Lakin batareyanın əsas mənfi cəhəti özünün yüksək temperatura kimi qızması və smartfonun daxili komponentlərini qızdırmasıdır. Samsung batareyanın yüksək temperaturda qızmasının qarşısını almaq üçün xüsusi geldən istifadə etməyi planlaşdırır. Məlumatda həmçinin qeyd edilib ki, sözügedən yeni növ batareyaya yalnız Galaxy S24+ və Galaxy S24 Ultra modelləri sahib olacaqlar.
