Bir neçə saat bundan öncə məlumat ortaya çıxdı ki, Xiaomi-nin növbəti qatlana bilən smartfonu olacaq Mix Fold 3 67 vatt gücündə sürətli şarj texnologiyasının dəstəyini əldə edəcək. İndi isə insayderlər Mix Fold 3-ün sxematik fotosunu təqdim ediblər. Təqdim edilmiş sxematik fotoya əsasən Mix Fold 3-ün xarici görünüşü Mix Fold 2-nin xarici görünüşündən o qədər də fərqlənməyəcək. Bununla yanaşı əgər bu sxematik foto həqiqəti əks etdirirsə, deməli Mix Fold 3 smartfonu 5 qat zoom-a sahib teleobyektiv ilə təchiz olunacaq. Heç istisna deyil ki, smartfon həmçinin 3.2 qat zoom-a sahib əlavə teleobyektivi də əldə etsin. Qeyd etmək lazımdır ki, rəsmi məlumata əsasən Xiaomi-nin yeni qatlana bilən smartfonu gələn ay təqdim olunacaq.
