Facebook Instagram-ın Avropadakı istifadəçiləri yaxın zamanda seçim qarşısında qala bilərlər. Sözügedən sosial şəbəkələrin reklamsız şəkildə ödənişli versiyalarından istifadə etmək və ya onların personallaşdırılmış reklamlara sahib versiyalarından istifadə etməyə davam etmək? Bu cür təklif Meta şirkəti tərəfindən Avropa Birliyinin tənzimləyici orqanlarına göndərilib. Plana əsasən Meta şirkəti Avropadakı istifadəçilərdən Facebook və ya Instagram-dan istifadəyə görə aylıq 10 avro ödəniş tələb edəcək. İstifadəçinin hər əlavə hesabı üçün isə 6 avro tələb ediləcək. Qeyd etmək lazımdır ki, 10 avroluq qiymət sosial şəbəkələrin veb versiyalarından istifadə üçün nəzərdə tutulur.

    Onların mobil versiyalarından istifadə üçün nəzərdə tutulmuş qiymət göstəricisi isə 13 avro təşkil edəcək. Belə ki, Meta şirkəti App Store ilə Google Play-dəki komissiyaları nəzərə alacaq. Avropa Birliyinin tənzimləyici orqanlarının sərt qanunlarına cavab olaraq Meta öz servislərinin yeni monetizasiyası üsulunu təqdim edib. Əgər Avropadakı istifadəçilər bu sosial şəbəkələrdə hədəflənmiş reklamları görmək istəmirlərsə, deməli onlar sosial şəbəkələrin ödənişli versiyalarından istifadə etməli olacaqlar. Bu, Meta-nın Avropa Birliyinin yeni qaydalarından yan keçmək cəhdidir.

    Belə ki, Avropa Birliyinin yeni qaydaları istifadəçilərin ilkin razılıqları olmadan onlara hədəflənmiş reklamların sərgilənməsini qadağan edə bilərlər. Bu isə öz növbəsində Meta-nın əsas gəlir mənbəyini təhlükə altına atır. Meta-nın CEO-su Mark Zuckerberg uzun illər ərzində bəyan edirdi ki, şirkətin əsas xidmətləri pulsuz şəkildə qalmalı və reklamlar vasitəsilə dəstəklənməlidirlər. Lakin Avropa Birliyinin tənzimləyici orqanları tərəfindən qəbul edilən sərt qanunlar və digər sosial platformalarda ödənişli abunəliklərin istifadəyə verilməsi Meta şirkətini ödənişli xidmətlər təklif etməyə məcbur edir. Avropa Birliyinin tənzimləyici orqanlarının Meta-nln bu təklifini qəbul edib-etməyəcəkləri bilinmir.

source

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Digər Xəbərlər

Google Nearby Share tətbiqinin stabil versiyasını kompüterlər üçün istifadəyə verib

    Google yaz fəslində Windows əməliyyat sistemli kompüterlər üçün Nearby Share tətbiqinin beta versiyasını…

Alimlər qalaktikamızda ən yüksək sürətlə hərəkət edən ulduzu kəşf ediblər

    Alimlər Süd Yolu qalaktikasında yüksək sürətlə hərəkət edən 6 yeni ulkduz kəşf…

Youtube reklam bloklayıcılarından istifadə edənlər üçün videoların izlənməsi imkanını bloklayacaq

    Hələ bir neçə müddət bundan öncə məlumat ortaya çıxmışdı ki, Youtube videolarda…

Whatsapp istifadəçiləri mesajları müəyyən müddət üçün çatların yuxarı hissəsinə bərkidə biləcəklər

    Whatsapp tərtibatçıları messencerə faydalı funksiyaları əlavə etməyə davam edirlər. Bu dəfə messencerin…

Büdcəli Nokia G42 5G smartfonunun yeni render fotosu ortaya çıxıb

    İnternetdə büdcəli Nokia G42 5G smartfonunun yeni render fotosu ortaya çıxıb. Render…