Namazın səcdəsində gərək səcdə edilən yerlə insanın alnının arasında maneə olmasın. Yəni insanın alnı səcdə edilən yerin səthinə tam toxunsun. Arada maneə varsa, onu tamamilə ortadan götürmək lazımdır. Məsələn, insanın alnına nəsə yapışsa, saçı qalın şəkildə alınla möhürün arasında qalsa, möhürün üzərinə nə isə düşsə, bu, səcdənin düzgün sayılmasına maneə olar. Möhürün üzəri ciddi şəkildə ləkələnsə, belə ki, səcdə zamanı alın möhürə deyil, aradakı həmin ləkə qatına dəysə, bu cür möhürün üzərinə səcdə etmək də düzgün deyil. Bəzən möhürdən həddən artıq uzun müddət ərzində və səliqəsiz şəkildə istifadə ediləndə, alındakı kirlər də möhürün üzərinə yapışır. Bu halda möhürün üzərini qaşıyıb təmizləmək lazımdır.
Amma çox vaxt sadəcə olaraq rütubətin təsirindən möhürün rəngi qaralır. Belə ki, dəstəmaz suyundan alına süzülən damcılar və alındakı tər damlaları möhürün üzərinə hopur və rəngini dəyişdirir. Bu cür möhürün üzərinə səcdə etmək düzgündür. Səliqə naminə aradabir möhürün üzərini ehtiyatla qaşımaq məsləhətdir. Möhürün tərkibində Kərbəla (və ya Məşhəd) türbəti olduğu üçün, qaşınmış tozun murdar yerə tökülməsinin qarşısını almaq lazımdır.

source

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Digər Xəbərlər

“Bismillahir-Rəhmanir-Rəhim” ayəsi Quran surələrinin tərkibinə daxildirmi və surələri oxuyanda mütləq “bismillah”la başlamaq lazımdırmı?

Bu barədə məzhəblər arasında fikir ayrılığı vardır. Bəzi alimlər “Bismillah” ayələrini Quranın…

İslamda yatmaq və yuxunun qaydaları barədə

Bu vaxtlarda yatmaq məsləhət deyil Imam Cəfər Sadiq (ə) buyurub ki, sübh…

Dəccal konkret bir insandır?

Dünyanın sonuna yaxın İmam Mehdinin (ə) zühurundan əvvəl baş verəcək hadisələrdən biri…

Başqa evə (həyətə) icazəsiz daxil olmaq günahdır?

İslam dini əxlaqa, ədəb-ərkana xüsusi diqqət yetirir. Başqasının şəxsi (məhrəm) mühitinə icazəsiz…

Martın 26-na keçən gecə imam Həsənin (ə) mövludunun ildönümüdür

Bu gecə (bu il martın 26-na keçən gecə) Peyğəmbərimizin (s) sevimli nəvəsi,…