Kənd Təsərrüfatı Nazirliyi tərəfindən “PAŞA Holding”in dəstəyi ilə həyata keçirilən Aqrar Fəaliyyətli Azərbaycan Qadınları (AFAQ) layihəsi çərçivəsində Füzuli rayonunda aqrar sahədə fəaliyyət göstərən və layihəyə müraciət edən qadın fermerlərə dəstək göstərilib.

Fins.az xəbər verir ki, təsərrüfatlarının inkişafı üçün dəstək göstərilən qadın fermerlərlə 6 saylı Qayıdış qəsəbəsində yerləşən fermer təsərrüfatında görüş keçirilib. Görüşdə Kənd Təsərrüfatı Nazirliyinin tabeliyindəki “Aqrar Tədarük və Təchizat” ASC-nin İdarə Heyətinin sədri Aqil Quliyev, Füzuli Rayon İcra Hakimiyyətinin və rayonun Dövlət Aqrar İnkişaf Mərkəzinin nümayəndələri iştirak ediblər. Görüşdə çıxış edən natiqlər AFAQ layihəsinin qadın fermerlərin aqrar fəaliyyətlərində böyük rol oynadığını, eyni zamanda regionlarda ailə təsərrüfatlarının inkişafına dəstək göstərdiyini vurğulayıblar.

AFAQ layihəsi çərçivəsində göstərilən budəfəki dəstək tədbirindən Füzuli rayonunun Yuxarı Seyidəhmədli, Merdinli, Horadiz, Yuxarı Əbdürrəhmanlı, Hüseynbəyli və Yuxarı Veysəlli kəndlərindən olan ümumilikdə 16 qadın fermer faydalanıb. Qadın fermerlərin müraciətləri əsasında təsərrüfatlara baxış keçirilib, qiymətləndirmə sorğuları aparılıb, həmçinin qadın fermerlərə fəaliyyət sahələrinə uyğun təlimlər keçirilib. Qiymətləndirmə sorğularına əsasən, qadın fermerlər təsərrüfatlarının ehtiyacları üzrə kənd təsərrüfatı avadanlıqları (havalandırma avadanlığı, toyuqyolan aparat, 3 aylıq toyuq yemi, yem və su qabları, kompüter və s.) və aktivlərlə (hər birinə 100 ədəd olmaqla ümumilikdə 1600 yumurtalıq toyuq) təmin olunublar.

Görüşdən sonra iştirakçılar qadın fermerlərin idarə etdikləri təsərrüfatlara baxış keçiriblər.

Qeyd edək ki, AFAQ layihəsi kənd təsərrüfatı sahəsində fəaliyyət göstərən qadınların dəstəklənməsi, onların bilik və bacarıqlarının artırılması, maliyyə və digər resurslara çıxışlarının asanlaşdırılması məqsədi ilə icra edilir. Bugünədək layihəyə 1350-yə yaxın müraciət daxil olub, layihə kriteriyalarına cavab verən 274 müraciətçinin təsərrüfatına baxış keçirilərək qiymətləndirmə sorğusu aparılıb. Layihənin tələblərinə cavab verən ümumilikdə 177 təsərrüfat sahibinə isə müvafiq avadanlıqlar və aktivlərlə dəstək göstərilib. Layihə çərçivəsində 318 qadın fermer nəzəri və praktiki təlimlərdə iştirak edib.

source

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Digər Xəbərlər

Azərbaycanda dövlət əmlakının icarəsindən büdcəyə daxilolmalar 39 % artıb

Bu ilin yanvar-iyul aylarında Azərbaycanda dövlət əmlakının icarəsindən dövlət büdcəsinə 19,3 milyon manat vəsait…

Kart məlumatlarının təhlükəsizliyini Yelo App ilə qoru

Ölkəmizdə rəqəmsal ödənişlərin artması ilə dələduzluq halları da genişlənir. Baş verən hadisələrin…

ABŞ-ın kommersiya neft ehtiyatları azalıb

Ötən həftənin yekunlarına görə, ABŞ-ın kommersiya neft ehtiyatları 11 milyon 486 min…

LiFi: Wi-Fi-dan 100 dəfə daha sürətli

 Elektronika və Elektrotexnika Mühəndisləri İnstitutu (IEEE) adlı qeyri-kommersiya assosiasiyası məlumatların optik üsul (işıq…

Azərbaycan mebel idxalına çəkdiyi xərci 30 %-dən çox artırıb

Bu ilin yanvar-iyun aylarında Azərbaycan 65 milyon 625,43 min ABŞ dolları dəyərində mebel və…