“Rəqib üstün futbol nümayiş etdirdi və layiqli qələbə qazandı”.

Komanda.az xəbər verir ki, bunu “Qəbələ”nin baş məşqçisi Elmar Baxşıyev Kiprdə “Omoniya”ya 1:4 hesabı ilə uduzduqları UEFA Konfrans Liqasının 2-ci təsnifat mərhələsinin cavab oyunundan sonra mətbuat konfransında deyib.

43 yaşlı mütəxəssis ilk matçda daha yaxşı oynadıqlarını bildirib: “Ötən həftə keçirilən qarşılaşmada komandamdan istədiyimi meydanda görürdüm. Həmin görüşdə üstün tərəf biz idik”.

Yeni komanda olduqlarını xatırladan çalışdırıcı oyundan-oyuna iddialarını göstərəcəklərini söyləyib: “İnanıram ki, yenidən Konfrans Liqasında qüvvəmizi sınayacağıq”.

“Omoniya”nın baş məşqçisi Sofronis Avqusti isə bunları söyləyib:

“Rəqibi yaxşı təhlil etmişdik. Onların müsbət və mənfi cəhətlərini bilirdik. Qəbələdəki ilk matçda yol verdiyimiz səhvlərdən nəticə çıxardıq. Bu gün qol buraxmaya bilərdik. Amma ümumilikdə oyun çox yaxşı keçdi. Növbəti rəqib daha güclü olacaq. Buna görə də bəzi nüansları yaxşılaşdırmalıyıq”.

O, Azərbaycan təmsilçisinə daha çox qol vurmağın mümkün olduğunu, sadəcə, güclərinə qənaət etdiklərini söyləyib: “Kifayət qədər qol epizodu yaxalasaq da, yararlana bilmədik. Dayanmaq olmaz, inkişafa davam etməliyik. Hər matç bir imtahandır”.

“Qəbələ”nin asan rəqib olmadığını söyləyən Avqusti “qırmızı-qaralar”a uğurlar arzulayıb.

source

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Digər Xəbərlər

AÇ: Azərbaycan yığmasından ikinci qələbə

Azərbaycanın 16 yaşadək qızlardan ibarət basketbol yığması Andorradadakı Avropa çempionatında ikinci oyununu…

Azərbaycan Premyer Liqası: 2023/2024 mövsümünün püşkü atılıb

Futbol üzrə Azərbaycan Premyer Liqasında 2023/2024 mövsümünün püşkü atılıb. Komanda.az xəbər verir…

“Əl-Hilal” İspaniya millisinin futbolçusuna göz dikib

“Əl-Hilal” klubu “Atletik”in qapıçısı Unay Simonla maraqlanır. Komanda.az AS nəşrinə istinadən xəbər…

Azərbaycan boksçusu finala vəsiqə qazandı

Azərbaycan boksçusu Tural Sarıyev Rusiyanın Yekaterinburq şəhərində keçirilən Beynəlxalq Universitet İdman Festivalında…

“Nə məğlubiyyətə, nə də qələbəyə layiq idik” – Mutu

“Neftçi”nin baş məşqçisi Adrian Mutu Azərbaycan Premyer Liqasının 1-ci turu çərçivəsində Gəncədə…