Çempionlar Liqasında 1-ci təsnifat mərhələsinin cavab oyunları keçirilir.
Komanda.az xəbər verir ki, ilk oyun günündə keçirilən “Flora” (Estoniya) – “Rakuv” (Polşa) görüşündən sonra “Qarabağ”ın 2-ci təsnifat mərhələsindəki potensial rəqibi bəlli olub.
Tallində keçirilən qarşılaşmada “Rakov” 3 cavabsız qolla qalib gələrək 2-ci təsnifat mərhələsinə yüksəlib. Bu komanda ilk oyunda da 1:0 hesabıyla qalib gəlmişdi.
Beləliklə, Polşa təmsilçisi “Qarabağ” – “Linkoln” cütünün güclüsü ilə qarşılaşacaq.
Xatırladaq ki, Cəbəllütariqdə “Linkoln”a 2:1 hesabı ilə qalib gələn “Qarabağ” sabah Bakıda bu rəqibi ilə cavab matçına çıxacaq.