“İstənilən şəxs “MyGov”a daxil olub “Sorğulanmış məlumatlarım” bölməsini seçəndə görəcək ki, xeyli sayda dövlət və özəl qurum, banklar sizdən xəbərsiz fərdi məlumatlarınıza baxıb”.

 

Modern.az xəbər verir ki, bunu İKT üzrə ekspert Osman Gündüz bildirib.

 

O qeyd edib ki, burada hətta vətəndaş öz məlumatlarına baxanların uzun siyahısını görə bilər: “Banklarda olanların gecə-gündüz bilmədən, dövlət sistemlərində olan bu şəxsi məlumatları necə və nə üçün topladıqları məni təəccübləndirir. Hansı ki, vətəndaşın razılığı olmadan bu, qanunsuzdur.

 

Proses adətən belə baş verir: Qurumlar da, banklar da bilir ki, vətəndaşın hansısa razılığı olmadan bunu etmək qanunsuzdur və onu məhkəmə gözləyə bilər.

 

Odur ki, vətəndaş nə zamansa identifikasiya olunmadan, adi bir loginlə harasa daxil olub xidməti almaqla bağlı nəsə təsdiqləyəndə, qurumlar, banklar dərhal, vətəndaşın xəbəri olmadan da fərdi məlumatlarına baxmaq razılığı da alırlar”.

 

Ekspert bunların yolverilməz olduğunu vurğulayıb: “Proses bu qaydada uzun müddətdir davam edir. Bildiyim qədər bunun qarşısını almaq üçün İnnovasiya və Rəqəmsal İnkişaf Agentliyi yeni bir mexanizm hazırlayıb. Qurum bir neçə hökumət portalını özündə birləşdirən “Super Portal” və onun əsasında mobil “Rəqəmsal Cüzdan” da hazırlayır. Hansı ki, burada vətəndaşın şəxsi kabineti nəzərdə tutulub və elə burada da, qurumlardan bildirişlər almaq, sorğulanmış məlumatlarına münasibət bildirmək imkanı yaradılıb. Artıq vətəndaşın razılığı olmadan, hər hansı bank və ya qurum onun fərdi məlumatlarına baxa bilməyəcək.

 

Yeri gəlmişkən, Super Portalda və Cüzdanda olan bir çox məlumatlar da artıq sadəcə məlumat deyil, data əsaslı “rəqəmsal sənəd” statusuna malik olacaq.

 

Xatırladıram ki, bir neçə il öncə Avropada fərdi məlumatların qorunması ilə bağlı tam yeni standartlar hazırlanıb. RİNN açıqlama verib ki, bu standartlar əsasında “Fərdi məlumatlar haqqında” yeni qanun layihəsi də hazırlayıb və hökumətə təqdim edib. Hələlik bu yeni layihədən xəbər yoxdur”.

source

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Digər Xəbərlər

Macarıstanda İsveçin NATO-ya üzvlüyü ilə bağlı müzakirə baş tutmadı

Macarıstan parlamentinin növbədənkənar iclasında İsveçin NATO-ya qəbul olunması ilə bağlı sazişin ratifikasiyası…

Azərbaycanda dərman zavodları nə vaxt açılacaq? – VİDEO

Ölkədə dərman istehsalının artması qiymətləri ucuzlaşdıracaq.   Modern.az-ın xəbərinə görə, Milli Məclisin Səhiyyə…

Ordumuzun polkovniki Türkiyənin Milli Müdafiə Universitetinə təyinat aldı

Kadr mübadiləsi çərçivəsində Azərbaycan Milli Müdafiə Universitetinin prorektoru, polkovnik Rəşad Tahirov Türkiyənin…

Kəlbəcər və Ağdərədə Ermənistana məxsus artilleriya qurğuları – FOTO

Kəlbəcər rayonunun Vəng və Ağdərə rayonunun Vəngli yaşayış məntəqələri ərazilərinə baxış zamanı…

Paşinyan Şoltsla Qarabağı müzakirə etdi 

Ermənistan Baş naziri Nikol Paşinyan Almaniya kansleri Olaf Şolts ilə telefon danışığı…