İranda hicab qaydaları ilə bağlı mübarizə aparmaq üçün polis patrulları yaradılır.
Modern.az xəbər verir ki, ISNA bu barədə polis komandanlığının sözçüsü Montazeral Mehdiyə istinadən məlumat yayıb.
Sözçü sosial normaları pozmaqda (hicab taxmamaq) israr edən insanlarla mübarizə aparmaq məqsədi ilə bütün ölkə üzrə polis avtomobili və piyada patrul xidmətinin yerləşdirildiyini açıqlayıb:
“Bu gündən başlayaraq bütün ölkə ərazisində avtomobil və piyada patrul xidməti yaradılır. Qeyri-adi geyimlə normanı pozmağa davam edən şəxslərə xəbərdarlıq ediləcək. Polisin əmrlərinə tabe olunmadığı təqdirdə qanuni tədbirlər görüləcək və onlar məhkəməyə cəlb olunacaq”.
