Lənkəranda dənizdə iki nəfər batmaq təhlükəsi ilə üzləşib. Onlardan biri yeniyetmə qızdır.
Modern.az xəbər verir ki, dənizdə batmaq təhlükəsi ilə bağlı insidentlərdən biri şəhərin “Kiçik Bazar” deyilən ərazisindəki çimərlikdə baş verib.
Cəlilabaddan Lənkərana qohumları ilə dənizə çimməyə gələn 2003-cü il təvəllüdlü Ramin Ramil oğlu Qurbanov çimərkən boğulmaq təhlükəsi ilə üzləşib. Ətrafdakıların köməyi ilə R.Qurbanov sudan çıxarılıb və əraziyə çağırılan təcili tibbi yardım avtomobili ilə Lənkəran Rayon Mərkəzi xəstəxanasına çatdırılıb.
Analoji hadisə Lənkəran rayonunun Sütəmurdov kəndi ərazisindəki çimərlikdə qeydə alınıb. Masallı rayonunun Yeddi Oymaq kənd sakini 2007 ci il təvəllüdlü Rüqəya Hakim qızı Dövlətova dənizdə çimərkən boğulmaq təhlükəsi ilə üzləşib. R.Dövlətova sudan çıxarılaraq Lənkəran rayon mərkəzi xəstəxanasına çatdırılıb.
Həkimlər hər iki xəstənin vəziyyətini ağır qiymətləndirirlər. Yeniyetmə qızın ciyərlərinə su dolduğunu bildirirlər.
