Azərbaycanın Türkmənistana yeni təyin olunmuş fövqəladə və səlahiyyətli səfiri Qismət Gözəlov etimadnaməsini Türkmənistan Prezidenti Sərdar Berdiməhəmmədova təqdim edib.

 

Modern.az xəbər verir ki, bu barədə Azərbaycanın Türkmənistandakı Səfirliyi məlumat yayıb.

 

Qəbul zamanı Prezident Sərdar Berdiməhəmmədov yeni təyinatı ilə bağlı səfir Qismət Gözəlovu təbrik edib və ona gələcək fəaliyyətində uğurlar arzulayıb.

 

Səfir Qismət Gözəov Azərbaycan Prezidenti İlham Əliyevin səmimi salamlarını Türkmənistan Prezidenti Sərdar Berdiməhəmmədova çatdırıb. Sərdar Berdiməhəmmədov Azərbaycan Prezidenti İlham Əliyevin salamlarına və xoş arzularına görə minnətdarlığını bildirib və Azərbaycanın dövlət başçısına öz salamlarını və ən xoş arzularını çatdırmağı xahiş edib.

 

Görüşdə Azərbaycan Respublikası və Türkmənistan arasında mövcud olan strateji münasibətlərin müxtəlif istiqamətlərdə uğurla inkişaf etdiyi bildirilib, ikitərəfli qardaşlıq əlaqələrinin gələcəkdə daha da inkişaf etdirilməsi perspektivləri vurğulanıb. Siyasi, iqtisadi-ticari, nəqliyyat, energetika, mədəni-humanitar sahələrdə fəal qarşılıqlı fəaliyyətin həyata keçirildiyi qeyd olunub.

 

Səfir Qismət Gözəlov ikitərəfli münasibətlərin genişləndirilməsi üçün səylərini əsirgəməyəcəyini və bütün sahələr üzrə strateji tərəfdaşlığımızın ruhuna uyğun olaraq əməkdaşlığın inkişafı istiqamətində müvafiq addımların atılacağını qeyd edib.

 

Görüşdə Azərbaycan və Türkmənistan arasında yüksək səviyyəli dialoqun əhəmiyyəti vurğulanıb, ikitərəfli və çoxtərəfli formatlarda əməkdaşlığın inkişaf perspektivləri, həmçinin qarşılıqlı maraq doğuran məsələlər ətrafında fikir mübadiləsi aparılıb.

source

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Digər Xəbərlər

Naftalanda yeni müalicə mərkəzi – FOTOLAR

İqtisadiyyatın əsas hissələrindən birini təşkil edən turizm dövlət büdcəsində gəlirlərin, əhalinin məşğulluq…

Ronaldo səsvermədə iştirakdan imtina etdi

“Əl-Nasr”ın hücumçusu Kriştianu Ronaldo Beynəlxalq Futbol Federasiyasının ilin ən yaxşı oyunçusunun seçilməsi…

Zelenski müşavirini işdən çıxardı

Ukrayna Prezidenti Volodimir Zelenski müşavirini işdən çıxarıb.   Modern.az xəbər verir ki, o,…

Bakı hava limanında bu il sərnişin axını 38% artıb – FOTO

Cari ilin yanvar-mart aylarında Heydər Əliyev Beynəlxalq Aeroportunda sərnişin axını əhəmiyyətli dərəcədə…

Miqrasiya ilə bağlı mühüm dəyişiklik

İlk dəfə miqrasiya orqanlarına qulluğa qəbul edilən şəxslər üçün daxil olduqları vəzifədən…