Bu ilin yanvar ayında Naxçıvan Muxtar Respublikasında 740 daşınmaz əmlak obyekti qeydiyyata alınıb

Bu barədə muxtar respublikanın İqtisadiyyat Nazirliyi yanında Əmlak Məsələləri Dövlət Xidmətindən məlumat verilib.

Bildirilib ki, ötən ay ərzində muxtar respublika üzrə ümumilikdə 740 daşınmaz əmlak obyekti üzərində mülkiyyət hüquqları dövlət reyestrində qeydiyyata alınıb. Texniki sənədlərin hazırlanması zamanı 173 əmlaka dair texniki pasport, 327 torpaq sahəsinə dair plan-ölçü tərtib olunub, ümumilikdə 500 texniki sənəd hazırlanaraq hüquq sahiblərinə təqdim edilib.

İlkin qeydiyyat, bölünmə və birləşmə nəticəsində yeni yaranan 58 daşınmaz əmlak obyektinə ünvan verilib.

Vətəndaşların müraciətləri nəzərə alınaraq ötən ay əmlaklarının məhdudiyyət və yüklülüyünə dair 115 arayış verilib, notariat ofislərinə əmlaklara dair məhdudiyyət və yüklülük haqqında 499 halda elektron məlumat göndərilib.

Hesabat ayı ərzində operativ şəkildə fəaliyyət göstərən elektron xidmətlərə hüquqi və fiziki şəxslər tərəfindən 139, notariat ofisləri tərəfindən 145 müraciət daxil olub ki, həmin müraciətlər də qəbul edilərək icra olunması üçün aidiyyəti üzrə yönəldilib.

Bu ilin ilk ayında kənd təsərrüfatı təyinatlı torpaq sahələri və onların mülkiyyətçiləri haqqında əvvəllər yaranan hüquqlara dair 462 məlumat daşınmaz əmlakın elektron qeydiyyat sisteminə daxil edilib. Həmçinin, Xidmət tərəfindən hazırlanan 700 texniki sənədin parametrləri və həmin sənədlər haqqında digər məlumatlar Milli Qeydiyyat Sisteminə yerləşdirilib.

source

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Digər Xəbərlər

MİDA Hövsan Yaşayış Kompleksində satışa çıxardığı 510 mənzilin detallarını açıqladı – Qiymət 34 min manatdan başlayır

Mənzil İnşaatı Dövlət Agentliyi (MİDA) Bakı şəhəri, Suraxanı rayonu, Hövsan qəsəbəsi, Hava…

Daşınmaz dövlət əmlakının icarəsindən büdcəyə 14 milyon manat ödənilib

İqtisadiyyat Nazirliyi yanında Əmlak Məsələləri Dövlət Xidməti tərəfindən bu ilin yanvar-may ayları…

Tikinti şirkəti ₼43.47 mln. gəlirə qarşı ₼15.53 mln. xalis mənfəət əldə etdi

İnşaat sektorunda fəaliyyət göstərən “Protean Construction” ASC 2022-ci ili 15.53 mln. manat…

MİDA yeni Yasamal, Hövsan və Gəncədə mənzilləri satışa çıxarır – QİYMƏTLƏR

Mənzil İnşaatı Dövlət Agentliyi (MİDA) Bakı şəhəri, Yasamal rayonu, Xarici dairəvi yolu…

Ekspert: Satış zamanı tikinti şirkətləri tərəfindən mənzillərin sahəsi düzgün hesablanmır

Tikinti şirkətləri tərəfindən mənzil satışında bu gün kifayət qədər qanunsuzluqlar var. Misal…