Azərbaycanda sərnişindaşımalara görə buraxılış kartları veriləcək.

Banker.az xəbər verir ki, bununla bağlı məsələ Milli Məclisin bügünkü iclasında müzakirə edilən “Avtomobil nəqliyyatı haqqında” qanuna dəyişiklikdə öz əksini tapıb.

Dəyişkiliyə əsasən, qanuna yeni aşağıdakı anlayışlar daxil edilir:

– analoq taxoqraf – bu Qanunun 57-1-ci maddəsınin tələbləri nəzərə alınmaqla, avtonəqliyyat vasitəsınin hərəkətinə, о cümlədən qət edilmiş məsafəyə, hərəkətin sürətinə, habelə sürücülərin iş və istirahət dövrlərinə dair bütün məlumatları fasiləsiz olaraq qeydə almaq məqsədilə həmin avtonəqliyyat vasıtəsində quraşdırılan elektromexaniki nəzarət cihazı;”.

Həmçinin dəyişikliyə əsasən, aşağıdakı məzmunda 1.0.25 -1.0.36-ci maddələr əlavə edilir:

“1.0.25. rəqəmsal taxoqraf – bu Qanunun 57-1-ci maddəsinin tələbləri nəzərə alınmaqla, avtomatik rejimdə avtonəqliyyat vasıtəsinin hərəkətinə, о cümlədən qət edilmiş məsafəyə, hərəkətin sürətinə, habelə sürücülərin iş və istirahət dövrlərinə dair bütün məlumatları fasıləsiz olaraq qeydə almaq məqsədilə həmin avtonəqliyyat vasitəsində quraşdırılan elektron nəzarət cihazı;

1.0.26. rəqəmsal taxoqraf kartı – sürücünün ış və istirahət dövrlərinə dair məlumatların, habelə rəqəmsal taxoqrafla işləmək üçün tələb olunan digər məlumatların saxlanılmasını təmin edən inteqral mikrosxemli kart;

1.0.27. sürücünün taxoqraf kartı – avtonəqlıyyat vasitəsini idarə edərkən sürücünün iş və istirahət dövrlərinə dair müvafıq məlumatların saxlanılması və sürücünün şəxsiyyətinin eyniləşdirilməsi üçün istifadə edılən rəqəmsal kart;

1.0.28. daşıyıcının taxoqraf kartı – sürücünün iş və istirahət dövrlərinə dair müvafıq məlumatların taxoqrafdan yüklənilməsi üçün istifadə edilən daşıyıcıya məxsus rəqəmsal kart;

1.0.29. emalatxana taxoqraf kartı – rəqəmsal taxoqrafların quraşdırılması, yoxlanılması, təmiri, sınaqlarının keçirilməsi, kalibrlənməsi və onlara texniki xıdmətin göstərilməsi, eyni zamanda rəqəmsal taxoqrafdan məlumatların yüklənilməsi üçün istifadə edilən rəqəmsal kart;

1.0.30. nəzarətçi taxoqraf kartı – sürücünün iş və istirahət dövrlərinə dair müvafiq məlumatların taxoqrafdan yüklənilməsi üçün istifadə edilən və müvafiq icra hakimiyyəti orqanının müəyyən etdiyi orqanın (qurumun) əməkdaşlarına məxsus rəqəmsal kart;

1.0.31. formulyar- qeyri-müntəzəm sərnişin daşımalarında sərnişinlər barədə məlumatı əks etdirən müvafiq icra hakimiyyəti orqanının müəyyən etdiyi orqanın (qurumun) informasiya sistemində elektron qaydada doldurulan sənəd;

1.0.32. bilet-uçot vərəqi – şəhərlərarası (rayonlararası) müntəzəm sərnişin daşımalarında satılmış biletlərin uçotunun aparıldığı müvafiq icra hakimiyyətı” orqanının müəyyən etdiyi orqanın (qurumun) informasiya sistemində elektron formada doldurulan sənəd;

1.0.33. taksi sifarişi xidməti – telekommunikasiya vasitələrindən istifadə etməklə, taksi minik avtomobili sifariş etmək istəyən şəxsdən sifarişi qəbul edib həmin daşımaları həyata keçirən şəxsə ötürülməsi ilə bağlı ödənişli xidmət;

1.0.34. taksi sifarişi operatoru – taksi minik avtomobilləri ilə sərnişin daşımalarını həyata keçirən şəxslərə taksi sifarişi xidməti göstərən hüquqi şəxs və ya fərdi sahibkar;

1.0.35. buraxılış vəsiqəsi – bu Qanunun 13-cü maddəsinə uyğun olaraq, hüquqi şəxslərin və ya fərdi sahibkarların sərnişin və ya yük daşımaları sahəsində fəaliyyət göstərməsi üçün verilən icazə;

1.0.36. buraxılış kartı – buraxılış vəsiqəsi olan hüquqi şəxslər və ya fərdi sahibkarların mülkiyyət, icarə və ya istifadə hüququ ilə malik olduğu nəqliyyat vasitələrinə verilən, icazənin əlavəsi olan kart;”.

Məsələ müzakirələrdən sonra səsverməyə qoyularaq III oxunuşda təsdiq edilib.

source

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Digər Xəbərlər

Bakıda avtomobillərin parklanmasının ödənişsiz olacağı ərazilər – SİYAHI

Bakı şəhəri üzrə zonalar parklanma qiymətləri açıqlanıb. Banker.az xəbər verir ki, bu,…

Yaponiya hibrid mühərrikli avtomobillərin Rusiyaya ixracına embarqo qoyur

Yaponiya hökuməti mühərrikinin həcmi 1,9 kubsantimetrdən çox olan, hibrid mühərrikli avtomobillərin və…

Azərbaycanın avtomobil parkını ən çox hansı markalar tərk edir? – SİYAHI

Azərbaycanda sayı ən çox azalan minik avtomobillərinin markaları, ədəd 2021 2022 Miqdar,…

Bazar günləri avtomobillərin parklanması üçün ödəniş tələb olunmayacaq

Nəqliyyat vasitələrinin parklanması üçün saat 22:00-dan saat 07:00-dək, eləcə də həftənin bazar…

Sürücülərin nəzərinə: Prezident QƏRAR verdi – Cərimələr artırıldı, SİYAHI

Nəqliyyat vasitələrinin sürücüləri tərəfindən yol hərəkəti qaydalarının pozulmasına görə cərimələr artırılıb. Banker.az…